Jăt broă lơh tàm pơrjum do, Cíñ phủ sền wơl, ai pơgồp jơnau đơs bè 04 tơngu me nàng sồr lơh Adăt boh lam: Sồr lơh Adăt cau pơgru; Rơndăp broă lơh Adăt Prăp gàr (tam gơl); Sồr lơh Adăt tam gơl, bơtơl ờ uă bơta tàm Adăt Hoá cất; Bè broă lơh rơndăp broă Adăt tam gơl, bơtơl ală kơrnoăt gơrềng bal tus broă bơcri priă, kes priă nàng bơsong kal ke, gơkòl bơh ală rơndăp broă bơcri priă dà lơgar.

Đơs tàm pơrjum, Thủ tướng Cíñ phủ pà git, lơh jăt 1 tàm 3 broă lơh gơguh pràn jŏ jòng, bơh nam 2022 tus tŭ do, Cíñ phủ geh sùm ndrờm bal pah nhai geh dùl dơ̆ pơrjum lơh adăt boh lam. Tàm hơ̆ tơrgùm bơsong kal ke, gơkòl gơrềng tus kơrnoăt pal jăt; đơs tờm gơnoar bơh cau lam bồ mờ ai geh bơta pràn tơrgùm bal lơh kơrnoăt pal jăt; adăt bơh lam. Pơrjum dơ̆ 6, Quốk hội khoă XV tàm nhai 10 tus do, Cíñ phủ geh yal Quốk hội ring bal 9 rơndăp broă lơh Adăt boh lam, pơgồp jơnau đơs 8 rơndăp broă lơh Adăt boh lam, tàm hơ̆ geh uă jơnau kal ke, gơkòl, geh uă jơnau đơs ờ ndrờm bal. Den tàng, Thủ tướng sồr pal tơrgùm bơta pràn nàng rơcang niam, gàr niam tơngai lơh, bơta niam lơh adăt boh lam; ală adăt, bơsong gơtùi bơta kal ke; ai geh tơngu me adăt boh lam hơ̆ sồng geh bơsong bơta pràn ai broă tơnguh bơtàu in.