Đơs tàm dơ̆ pơrjum, Thủ tướng Cíñ phủ ồng Phạm Minh Chính đơs sùm, jơnau sồr bơsram lơh jat, lơh jat dùl ròt bal, kràñ cê jơh nùs, geh cồng nha ală kơnòl broă, gùng dà broă lơh jat Jơnau đơs pơn dŭt bơh Dà lơgar, Ƀộ Cíñ trị, Nghị quyết bơh Quôk hội, Cíñ phủ dê; kơ̆ nùs, pơnđơl pràn lơh ngan lơh geh cồng nha ală jơnau kờñ, broă jàu, kơnòl broă bơtàu tơnguh lơh sa- mpồl bơtiàn nam 2023 neh geh ai. Tàm hơ̆, ală kơnòl broă cíñ trị kwơ màng là sơlơ tơnguh ai priă bơcri dà lơgar mờ lam lơh broă lơh bơtàu tơnguh wơl mờ bơtàu tơnguh lơh sa- mpồl bơtiàn, 03 broă lơh jơnau kờñ Dà lơgar.

Thủ tướng đơs nền, ală kơnòl broă do geh gơnoar broă kwơ màng ngan jơh bal bè lơh sa, cíñ trị, mpồl bơtiàn, sền gàr Dà lơgar, lơngap lơngai, tă bơsong ală bơta kòl yan, lơh geh bơnàng jă rơndap tap sèng bơt bơtàu lơh sa-mpồl bơtiàn, atbồ priă bơcri làng bol dê, pờ tơlik ù tiah bơtàu tơnguh pa, sơlơ tàm tơrbŏ bal, gàr niam bơta kơ̆ kơljap lơh sa dờng, tơn jơh jơgloh, tơrmù rƀah, tơnguh bơta pràn tàm dơlam is bơh Dà lơgar, lơh geh bơta gơn kơnờm ai bơta bơtàu tơnguh wơl mhar mờ bơtàu tơnguh kơ̆ kơljap.