Tơnơ̆ tŭ iăt ală jơnau đơs tă pơgồp bal, đơs pơndŭt pơrjum, Thủ tướng Cíñ phủ ồng Phạm Minh Chính đơs nền, lơh geh cồng nha dờng kòp Kovid-19 là cồng nha bal bơh Làng bol, bơh bơta đơng lam di tŭ ngan bơh Đảng Kộng sản lơgar Việt Nam, Ƀan Cấp hàñ Dà lơgar, Ƀộ Cíñ trị, mờ bơta tus bal tơn là Tổng Ƀí thư ồng Nguyễn Phú Trọng dê.

Bè gùng dà broă lơh, kơnòl broă tàm tơngai tus Thủ tướng sồr, pơn jat tai lơh sir kơrnoat boh lam, gùng dà broă lơh, broă dong kờl; tă bơsong ală bơta kal ke kòl yan gam geh tàm broă lơh rcang sơndră kòp tàm hơ̆ tơrgùm bơsong ală bơta ờ hềt di pal, bơta kal ke kòl yan tàm adat boh lam gam ngui tŭ do mờ lơh geh ală adat boh lam dơ̆ lĕ bal, tơl làm, di pal, lơh geh di tŭ mờ jơnau kờñ rcang sơndră kòp ngan là bè blơi sơnơm tơm ba, vaccine, phan bơna, măi mok gah lơh sơnơm dê tàm tơl ală bơta digơlan gơlik geh, jơh bal tàm bơta jal mhar.