Jơnau đơs bơh Thủ tướng dê geh tơngume: “Sơlơ tơnguh tai bơta gĭt gơ̆p lơh broă bal kwơ màng tơl làm Việt Nam mờ Ấn Độ tài ring lơngai, lơh broă bal mờ bơtàu tơnguh tàm tiah Ấn Độ Dương- câu Á- Thái Bình Dương mờ gùt plai ù”. Thủ tướng neh đơs 3 tơngume tờm là: Bơta dunia mờ tàm tiah do dê; Gùng dà broă lơh, cồng nha mờ pơlam gùng dà bơtàu tơnguh bơh lơgar Việt Nam dê; Wèt sền bơta gĭt gơ̆p lơh broă bal kwơ màng tơl làm Việt Nam mờ Ấn Độ tàm tơngai tus.

Jat thủ tướng bơh ală broă cèng bơta gùt plai ù tàm do pal geh bồ tơngoh kơlôi sơnơng tơl làm, geh bal, sồr jơh ală lơgar pal jơh nùs cribơyai, lơh broă bal jat tàm nùs nhơm tam klăc bal, ring bal. Tàm hơ̆, bơta gĭt gơ̆p tam klăc bal, lơh broă bal mờ lơh bơyô bal đah Việt Nam mờ Ấn Độ pal sùm geh bơt bơtàu mờ bơtàu tơnguh. Mang ngai 01/08, rơndeh par pơndiang Thủ tướng Cíñ phủ ồng Phạm Minh Chính lik bơh càr lơgar New Delhi tơn jơh niam bơnĕ dơ̆ còp kấp dà lơgar tus lơgar Ấn Độ.