Gơguh GDP quý III lơh geh 5,33%, kờp bal 9 nhai lơh geh 4,24%. Sơñio khà ngui sa (CPI) kờp bal 9 nhai gơguh 3,16%. Drà priă jền tăc blơi phan, priă lơgar ndai ngui nàng tơm priă tăc blơi phan sền bal kơ̆ kơl jăp, sền bal priă cồng gơmù. Tăc phan mờ lơgar ndai gơguh rơ hời bơh ală nhai, 9 nhai tăc uă mờ lơgar ndai geh mờr 22 tơmàn dolar Mỹ.

Bè kơnòl broă, broă lơh tờm ngan tàm ală nhai lồi nam 2023, Thủ tướng Cíñ phủ ồng Phạm Minh Chính đơs sùm rơ̆p pơn jat tai lơh lài chồl tơnguh gơguh lơh sa, gàr kơ̆ kơ̆ kơl jăp lơh sa dờng, gròi sền roh giă priă, gàr geh ală tàm pơnrring dờng bơh rài lơh sa dê; tơrgùm lơh ală broă lơh chồl tơnguh pràn kơl dang ală bơta gơn kơnờm gơguh lơh sa (bơcri priă, ngui sa, tăc phan mờ lơgar ndai); ngui niam jơh tŭ tơngai niam drà kă bro tàm lơgar mờ dunia tàm tơngai lồi nam,  dơ̆ lơh chờ, dơ̆ sa tềp.