Ala mat kwang đơng lam bồ Đảng, Dà lơgar, Thủ tướng jơh nùs ưn ngài bơta lơh ngan, tă pơgồp kwơ màng bơh mpồl bơtiàn cau Việt Nam kis tàm lơgar ndai, tàm hơ̆ geh mpồl bơtiàn cau Việt Nam kis tàm lơgar Ấn Độ tàm ală cồng nha bơh dà lơgar dê tàm tơngai pa do.

Thủ tướng đơs nền Đảng, Dà lơgar sùm sền gròi, sền mpồl bơtiàn cau Việt Nam kis tàm lơgar ndai là dồ bơnah ờ gơtùi tam cah is bơh mpồl bơtiàn ală jơi bơtiàn Việt Nam kis tàm lơgar ndai, ai lơh jat ală gùng dà broă lơh, broă dong kờl lơh geh bơta ƀuơn ngan rlau jơh ai làng bol in lơh broă, ơm kis, bơsram mờ tă pơgồp ai dà lơgar in.