Di tơngkah kir sơnrai 75 nam Ngai Củ tịc Hồ Chí Minh tơlik jơnau hòi jà tàm pơrlòng kờñ gơboh dà lơgar (11/6); Lơh jat Nhai lơh broă rơcang sơndră ma túy mờ tơngume “Rơcang sơndră ma tuý kràñ cê, geh cồng nha, tơnguh kơnòl, rơcang lài pơgồp bal – Tài dùl mpồl bơtiàn ờ geh ma túy”, mang ngai 14/6, Ƀộ Kwang àng- anih lơh broă sùm bè rơcang sơndră ma túy yŭ rơyùm bơyai lơh broă lơh Bơta kơp kờñ ngan ring lơngai- Jờng rơ mpồl bal, cau dùl nă să geh pơn rơ gơguh jak”. Tàm dơ̆ bơyai lơh, mpồl bơyai lơh neh jờng rơ ală cồng nha jak ngan bơh ală mpồl dê, kuơmàng là 140 nă cau geh pơn rơ gơguh jak geh jờng rơ.

Đơs tàm dơ̆ bơyai lơh, Thủ tướng Cíñ phủ ồng Phạm Minh Chính đơs nền, do là tŭ nàng kah ưn ngài ală cau ling kwang àng neh chơt phi să mờ jờng rơ ală krơh niam, cau pơn rơ gơguh jak tàm dơ̆ tam dră ờ lời nùs tài dùl mpồl bơtiàn ờ geh ma túy; bơh hơ̆ mblàng wơl bơta kờñ gơboh bè kơnòl, nùs nhơm khin cha jak chài mờ phi să tài mpồl bơtiàn nàng lơh jat jơnau bơto “Tài dà lơgar huĭ sa tờm, tài làng bol drơng lơh”.