Tàm dơ̆ tìp măt, geh ờ uă cau jăk gơ̆p bơyô lơgar Lo neh ngoh rơngăc kah wơl ală dơ̆ geh tìp ờ tŭ lơi huĭ gơwèt mờ Củ tịc Hồ Chí Minh, mờ dà lơgar bal mờ kòn bơnus lơgar Việt Nam. Mò Trần Tri Tiến, kòn ùr Kwang ling ồng Trần Canh đơs loh, nùs nhơm git gơ̆p lơh bơyô đah bàr lơgar geh bơhiàn bơh rài yau, ngoh rơngăc yal wơl ală dơ̆ Kwang ling ồng Trần Canh mờ lơgar Việt Nam, mờ Wa Hồ.

Bèp mò dê geh Đảng Kộng sản lơgar Lo sồr tus dong kờl lơgar Việt Nam mờ Wa Hồ là cau gơboh kờñ ngan; kah wơl ală ngai, nhai geh tìp mờ Wa Hồ là ală ngai niam bơnĕ ngan bơh bèp mò dê. Mò kơ̆p kờñ nùs nhơm lơh bơyô sùm đềt mềr tài geh ală kwang đơng lam lài do đah bàr lơgar bơ̆t bơtàu sùm sùm kơl jăp. Ala măt Kwang đơng lam Đảng, Dà lơgar, Thủ tướng neh pơyoa jơnau còp să bơta pràn kơl dang să jan, chờ gờm ală wa, ală bi, ală lŏ sùm pràn kơl dang, gơbơh gơbài, pơn jăt tai bơ̆t bơtàu mờ đềt mềr rơlao bơta git gơ̆p lơh bơyô đah lơgar Việt Nam mờ lơgar Lo.