Tàm dơ̆ wă, Thủ tướng ồng Phạm Minh Chính đơs tờm, lơgar Việt Nam sùm git jơnau mờ git ưn ngài broă kờñ bal, dong kờl bơh lơgar Cuba tàm broă tam dră tơnklàs jơi bơtiàn mờ bơ̆t bơtàu dà lơgar bơh lơgar Việt Nam dê. Tam pà bal bè ală kal ke mờ lơgar Cuba gam kong, Thủ tướng đơs nền, lơgar Việt Nam tŭ lơi kung rơcang tam pà bal mờ lơgar Cuba ală broă lơh mờng chài bơh broă tam gơl pa tàm lơgar Việt Nam, tàm hơ̆ geh broă bơ̆t bơtàu mờ lơh gơs adăt boh lam, lơh niam wơl tư pháp, hòi jà 2 gah lơh pràn broă lơh bal mùl màl, geh cồng nha tàm gah broă do, ngan là bè bơto mpồl cau lơh broă, lơh pràn broă tam gơl sồ...

Di tàm dơ̆ do, Thủ tướng hòi jà lơgar Cuba pơn jăt tai sền gròi, ai geh bơta ƀuơn mpồl bơtiàn cau lơgar Việt Nam kis tàm lơgar Cuba. Ƀộ trưởng Tư pháp lơgar Cuba kơ̆p kờñ lơgar Việt Nam pơn jăt tai dong kờl lơgar Cuba tàm ală gah broă, tàm hơ̆ geh broă lơh adăt boh lam mờ tư pháp.