Tàm dơ̆ wă, Thủ tướng Cíñ phủ ồng Phạm Minh Chính đơs nền lơgar Việt Nam sùm sền kwơ broă lơh pràn bơta git gơ̆p lơh broă bal, lơh bơyô bal mờ lơgar Bờ Biển Ngà, sền lơgar Bờ Biển Ngà là dùl tàm ală lơgar lơh broă bal kwơ màng lơgar Việt Nam dê tàm câu Phi.

Bàr kwang đơng lam đơs niam ală broă tơnguh bơtàu niam tàm bơta git gơ̆p đah bàr lơgar dê tàm tơngai do, tàm hơ̆ uă ngan là tàm gah cíñ trị lơh broă bal mờ lơgar ndai, lơh sa, kă bro, bơta niam chài, bơto bơtê. Thủ tướng ồng Phạm Minh Chính sồr, tàm tơngai tus, bàr gah pal gàr bơta ndrờm bal broă kă bro, lơh uă bơta phan kă bro, tơnguh broă tăc mờ lơgar bơdìh ală bơta phan geh bơta pràn đah lơgar Việt Nam dê mờ kơlôi sơnơng pờ ơnàng lơh broă bal tàm ală gah geh bơta pràn ndai.