Thủ tướng đơs nền nùs nhơm kơlôi sơnơng bơh Liên hợp quốk dê bè neh geh cih tàm Sơna boh lam Liên hợp quôk dê di pal ngan mờ gùng dà bơtàu tơnguh lơgar Việt Nam dê; đơs nền gơwèt mờ lơgar Việt Nam, Liên hợp quốk là cau bơyô pin dờn, đềt mềr jŏ jòng; Lơgar Việt Nam sùm kah tus broă dong kờl kwơ màng bơh Liên hợp quốk dê tàm rơlao 40 nam do mờ broă lơh ngan pơgồp bal tàm ală broă lơh bơh Liên hợp quốk dê.

Pa do ngan, lơgar Việt Nam dờp lơh geh cồng nha gơnoar Lơgar ờ duh broă sùm tàm Hội đồng Bảo an Liên hợp quốk dê, gơnoar Phó Củ tịc Pơrjum dờng Liên hợp quốk khoă 77, tơnguh broă pơgồp bal mpồl ling tus bal ală broă sền gàr bơta ring lơngai bơh Liên hợp quốk dê. Nàng pơgồp bal tàm broă gàr niam tơl niam phan sa gùt plai ù, lơgar Việt Nam gơtùi tăc geh di pơgăp 7 tơlăk 500 rơbô tấn phe tàm nam 2023, mờ tus bal pràn tàm broă pơgồp bal bơceh lơh bơh Tổng Thư ký Liên hợp quốk dê bè tam gơl mpồl phan sa kơl jăp.