Thủ tướng Cíñ phủ ồng Phạm Minh Chính đơs nền lơgar Việt Nam sền kwơ ngan gơnoar broă bơh Liên hợp quốc dê tàm broă lơh pràn broă lơh bal uă gah nàng bơsong ală bơta tàm gùt plai ù. Thủ tướng Cíñ phủ pà git lơgar Việt Nam gam lơh jăt, tơnguh bơtàu dà lơgar ai bơh tàm 3 bơta tờm là bơ̆t bơtàu Dà lơgar gơnoar adăt boh lam xã hội củ nghĩa, rài làng bol lơh tờm xã hội củ nghĩa mờ rài lơh sa kă bro jăt gùng dà xã hội củ nghĩa; lơh pràn 3 broă lơh tờm bè adăt boh lam, cau lơh broă mờ phan bơna.

Phó Tổng Thư ký Liên hợp quốc đơs niam ală cồng nha kwơ màng ngan mờ lơgar Việt Nam neh lơh geh tàm broă tơnguh bơtàu lơh sa mpồl bơtiàn mờ brồ guh wơl tơnơ̆ mờ kòp Kovid-19 jăt gùng dà kơl jăp. Bè bơta tàm dunia tŭ do, bàr gah tam pà bal bơta kơlôi rơcang bè gơrềng ờ niam bơh ală bơta lòng gùt plai ù bè ală dơ̆ tam lơh, tam gơl trồ tiah, priă phan kă bro gơguh kas ir.