Tàm dơ̆ wă rò, Thủ tướng ồng Phạm Minh Chính chờ gờm mờ đơs niam ală cồng nha bơh Tập đoàn Marriott neh lơh geh tàm broă bơtàu tơnguh ală mpồl hìu năc ơm rơlô să kấp dờng tàm dunia kung bè tàm lơgar Việt Nam.

Nàng pơn jăt tai tơnguh broă lơh bal tàm tơngai tus, Thủ tướng hòi jà Tập đoàn Marriott pơn jăt tai lơh broă rơndăp lơh rề ơnàng bơcri priă tàm gah lòt nhơl, broă lơh drơng ala hìu năc ơm, ơm rơlôi să mờ ală rơndăp broă lơh dờng di pal mờ bơta geh lơgar Việt Nam dê mờ niam bơnĕ gơwèt mờ cau năc dunia; lơh broă bal bơto cau lơh broă, bơtàu tơnguh cau lơh broă geh bơta niam uă, di pal mờ jơnau kờñ bơh dunia dê; tơrbŏ bal lòt nhơl lơgar Việt Nam mờ tàm tiah do bal mờ tàm dunia, lơh geh uă bơta phan, mpồl ai geh broă lòt nhơl, tơnguh uă bơta pràn atbồ tàm gah lòt nhơl; dong kờl mờ lơh broă bal mờ lơgar Việt Nam brồ guh wơl, bơtàu tơnguh gah lòt nhơl mờ pơn diang năc gùng rơndeh par tàm tơngai tus.