Thủ tướng ồng Phạm Minh Chính đơs nền, mờ nùs nhơm “bơta kwơ tam pà bal, rềs àr tam kong bal”, lơgar Việt Nam sùm sền gròi, sền kwơ broă tơnguh tiah bơcri priă, hơ geh ai tơl bơta ƀuơn nàng ală mpồl lơh sa kă bro lơgar bơdìh tàm hơ̆ geh ală mpồl lơh sa kă bro lơgar Hàn Quốk mờ Tập đoàn Samsung lơh broă, lơh sa kă bro kơl jăp, geh cồng nha, jŏ jòng tàm lơgar Việt Nam. Tàm tơngai tus, Thủ tướng hòi jà Tập đoàn pơn jăt tai pờ ơnàng bơcri priă tàm ală gah broă geh bơta pràn bè kông nghệ kao, điện tử, cíp ƀán dẫn; bơcri priă bơtàu tơnguh rơlao tai tàm ală gah broă tam gơl sồ, gơguh lơh sa tơlir, lơh sa gơlòt bal; pơgồp bal tàm broă bơto cau lơh broă geh bơta jăk chài uă ai lơgar Việt Nam in.