Di dơ̆ lòt Pơrjum kwang bàng kâp dờng ASEAN- Mpồl duh broă Lơh broă bal vùng Vịñ (GCC) mờ còp Bơtau  lơgar Saudi Arabia bơh ngai 18 tus ngai 20/10, jat jơnau jà bơh Bơtau lơgar Saudi Arabia ồng Salman bin Abdulaziz Al Saud dê. Mang ngai 18/10 jat jơ tiah do, Thủ tướng Cíñ phủ ồng Phạm Minh Chính neh wă rò Kwang đơng lam bồ Tập đoàn Ajlan & Bros.

Tàm dơ̆ wă rò, ồng Ali Al-Khatib, Phó Kwang đơng lam bồ Kông ty Ajlan & Bros pà git, tàm tơngai tus, kông ty kơp kờñ rơp rề ơnàng rlau tai lơh broă bal bơcri priă tàm lơgar Việt Nam mờ sồr Cíñ phủ Việt Nam mờ ală ƀộ, gah broă lơh dà lơgar lơh gơlik bơta niam rlau tai ai kông ty in rề ơnàng bơcri priă tàm lơgar Việt Nam. Thủ tướng đơs nền, Cíñ phủ Việt Nam hơ pơrgon rơp lòt bal, lơh gơlik bơta ƀuơn ai Tập đoàn Ajlan & Bros in tàm broă bơcri priă kă bro mờ rề ơnàng lơh broă bal mờ ală mpồl lơh sa kă bro tàm lơgar Việt Nam mờ Thủ tướng kơp kờñ geh wă kwang đơng lam bồ Tập đoàn tàm Ajlan & Bros Việt Nam nàng lam lơh jat ngan ngồn ală jơnau kờp dŭ bơcri priă kă bro bơh Kông ty dê tàm Việt Nam.