Đơs tàm dơ̆ lơh broă, ala mat kwang đơng lam bồ Cíñ phủ, Thủ tướng Phạm Minh Chính gờm chờ, jờng rơ bơta pơnđơl pràn lơh ngan mờ cồng nha lơh geh bơh kwang bàng, cau pơgru, cau bơsram, cau lơh broă, cau ling Họk viện Quôk phòng dê tàm ală nam do.

 Thủ tướng sồr Họk viện Quôk phòng pal lơh niam gơnoar broă bơto bơtê, kơlôi sơnơng, pơrjum sền sơwì tơn jơh, ờ mìng ală jơnau bơsram tàm sră geh gơrềng gah sền gàr Dà lơgar lơm mờ pal tơrgùm bal làm bơta; kờñ kơlôi sơnơng niam pal geh bơta tơrgùm bal ală jơnau, bơh hơ̆ hơ̆ sồng geh bồ tơngoh kơlôi sơnơng, broă lơh cribơyai jơnau tàm sră pơ àr, lơh broă di gùng; pơgồp bal niam mờ ală mpồl lơh broă nàng lơh sir kơnòl broă tàm ală bơta tàm dunia tam gơl sùm, uă broă bơdìh mờ bơta kờp dŭ lài.