Tơm bơh bơr mờ Thủ tướng Cíñ phủ Phạm Minh Chính, Bèp Yàng Quản hạt Giuse Nguyễn Văn Phong (Hìu Yàng Bàp càr Bắc Giang) pà gĭt, tàm 2 nam do, ù tiah Bắc Giang niam ngan đau, làng bol đơs bal, làng bol kòn sau jat Yàng Bàp dê đơs is chờ hờp ngan tài rài kis phan bơna, nùs nhơm geh bơtàu tơnguh, ngan là geh wă rò Thủ tướng Cíñ phủ tus nting bơr gờm chờ Noel nam 2023.

Đơs tàm do, Thủ tướng Phạm Minh Chính đơs sùm, Đảng, Dà lơgar sùm sền dờng màng bơta khat gơboh gah pin dờn jat Yàng bơh làng bol dê, tàm hơ̆ gah jat Yàng Bàp. Thủ tướng đơs loh, Bắc Giang là càr gơtìp uă ngan kal ke tàm tơngai kòp dờng Kovid-19, mơya, càr neh kơryan niam ngan, bơtàu tơnguh wơl mờ bơtàu tơnguh mhar. Tàm nùs nhơm ngai Noel bơh Hìu Yàng Bàp dê chờ hờp chờ hờñ ngan; kơ̆p kờñ bơh bơta đơng lam bơh Đảng, Dà lơgar mờ làng bol pơn đơl pràn lơh ngan lơh jat niam tơl gùng dà broă lơh bơh Đảng, adat boh bơh Dà lơgar dê. Thủ tướng Phạm Minh Chính gờm chờ làng bol jat Yàng Bàp càr Bắc Giang dùl tơngai Noel pràn kơl dang, kis chờ hờp chờ hờñ, dùl nam pa lơngai lơngò.