Tàm dơ̆ cri bơyai, Thủ tướng Phạm Minh Chính đơs nền lơgar Việt Nam sùm sền kwơ mờ kơ̆p kờñ tơnguh bơta git gơ̆p mờ lơgar Hungary, là lơgar tam klăc bal tơl ală bơta sơnrờp ngan bơh lơgar Việt Nam dê tàm Tiah tàm gùl mờ đah măt tơngai lik câu Âu dê.

Bàr Thủ tướng neh cri bơyai nền nòn bè ală gùng dà broă lơh dờng mờ ală broă lơh mùl màl nàng tơnguh Bơta git gơ̆p Tam klăc bal Tơl ală bơta đah lơgar Việt Nam mờ lơgar Hungary tus tàm bơta uă pa. Cri bơyai bè ală bơta tàm tiah do mờ tàm dunia geh sền gròi bal, bàr Thủ tướng đơs nền kờñ bal mờ broă bơsong ală tam phà mờ broă ring lơngai, di pal mờ adăt boh lam dunia bal mờ Hiến cương Liên hợp quốk dê, tàm hơ̆ geh broă ờ ngui phào crong ha là pơhìn ngui phào crong gàr bơta ring lơngai, kơ̆ kơl jăp mờ bơtàu tơnguh tàm tiah do mờ tàm dunia.