Tơnơ̆ dơ̆ wă rò, bàr Thủ tướng neh lam lơh pơrjum bè lơh broă bal 2 gah mờ sền dơ̆ kĭ hơ ală sră nggal lơh broă bal. Bàr Thủ tướng đơs nền bơta kuơ màng bơh broă ngai sơlơ gàr sùm mờ sơlơ tơnguh tai bơhiàn tam klac bal, đềt mềr, tam pà bal, dong kờl bal mờ gơp tàm rài tam lơh ai wơl lơngăp lơngai is jơi bơtiàn in, lơh gơ lừ rài gơ sơt rung Pol Pot lài do kung bè tàm broă lơh bơt bơtàu, bơtàu tơnguh dà lơgar tŭ do.

Jat tơngume còp ngan ngồn lơgar Việt Nam, Thủ tướng Campuchia rơp geh ală dơ̆ pơrjum, tìp mat mờ Kwang đơng lam bồ kâp dờng ngan rlau jơh bơh Đảng, Dà lơgar Việt Nam dê nàng kờp sền cồng nha lơh broă bal mờ cribơyai nàng sơlơ tơnguh tai bơta git gơp lơh broă bal đah Việt Nam mờ Campuchia tàm tơngai tus ngai sơlơ jrô ơnàng, ngan ngồn, geh cồng nha.