Tàm ală nam do, Mpồl duh broă sơlơ tơnguh tai Cribơyai broă mờ lơgar ndai làng bol lơgar Nhờk neh geh uă broă lơh li la, geh cồng nha, pơgồp bơnah sơlơ tơnguht ai bơta git gơp lơh bơyô bal mờ lơh broă bal uă gah đah Việt Nam mờ Nhờk, bè: ai ală mpồl lòt sền lơh sa, bơto bơsram, niam chài tus Việt Nam; lam lơh ală broă lơh hòi jà bơcri priă- kă bro đah 2 lơgar; dong kờl bơtàu tơnguh cau lơh broă ai lơgar Việt Nam in; tìp mat mờ lơh kwèng mờ ală mpồl bơh Việt Nam lòt còp lơgar Nhờk; jơh nùs dong kờl ală broă lơh bơh Đại sứ quán Việt Nam dê tàm lơgar Nhờk.

Tơngai tus, Thủ tướng Phạm Minh Chính đơs là 2 gah pal pơn jat tai bơto bơtê rơnàng kơnòm să 2 lơgar ngai sơlơ sền gàr mờ bơtàu tơnguh nùs nhơm lơh bơyô bal là jơ tài kuơmàng ngan đah 2 jơi bơtiàn dê; gàr ală broă neh lơh gơtùi, ai mờng chài bơh ală broă ờ hềt lơh gơtùi; lam lơh ngan ngồn bơta git gơp Lơh broă bal jŏ jòng tơl làm gơ gơs ală broă lơh, rơndap broă ngan ngồn, ai bơta git gơp 2 lơgar ngai sơlơ bơtàu tơnguh, ngan ngồn mờ geh cồng nha rlau.