Thủ tướng Phạm Minh Chính lơh broă mờ Mpồl Lơh kơnòl broă sùm Tỉñ ủy càr Lai Châu
Thứ hai, 14:17, 20/11/2023
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Drim òr (19/11), Thủ tướng Phạm Minh Chính lơh broă mờ Mpồl Lơh kơnòl broă sùm Tỉñ ủy càr Lai Châu bè bơta lơh jat ală kơnòl broă bơtàu tơnguh lơh sa - mpồl bơtiàn bơh bồ tơngai lơh broă Pơrjum dờng Đảng ƀộ càr dơ̆ XIV tus tŭ do mờ ai tơlik gùng dà broă lơh, kơnòl broă tàm tơngai tus; bơsong bàr pe jơnau đơs, jơnau dan bơh càr dê.
Tơnơ̆ tŭ iăt ală jơnau đơs bơh càr mờ kwang đơng lam bồ ală Ƀộ, ngàñ dê, đơs tàm dơ̆ lơh broă, Thủ tướng Phạm Minh Chính jờng rơ bơta pơnđơl pràn lơh ngan mờ cồng nha neh lơh geh bơh Đảng ƀộ, gơnoar atbồ, ling klàng mờ làng bol càr Lai Châu dê, pơgồp bơnah tàm cồng nha bal bơh jơh gùt lơgar.
Tàm tơngai tus Thủ tướng sồr, càr pal pơn jat tai bơsram lơh jat, lơh ngan ngồn Nghị quyết Pơrjum dờng dơ̆ XIII bơh Đảng dê; lam lơh jat geh cồng nha jơnau kờñ, kơnòl broă geh ai tàm Broă rơndăp lơh 5 nam, broă lơh jŏ jòng 10 nam mờ Nghị quyết Pơrjum dờng Đảng ƀộ càr dơ̆ XIV dê.
Viết bình luận