Thủ tướng tus pơrjum WEF Davos dơ̆ do cèng geh uă bơta kwơ màng tàm uă gah broă. Lơh broă tàm do, kờp dŭ Thủ tướng geh tus bal mờ geh jơnau đơs tàm ală dơ̆ cri bơyai kwơ màng, tàm hơ̆ geh ờ uă dơ̆ cri bơyai krơi is ai lơgar Việt Nam in, đơng lam uă dơ̆ cri bơyai mờ kwang đơng lam ală tập đoàn dờng, tìp bal đah bàr gah mờ kwang đơng lam ală lơgar, ală mpồl lơh broă dunia mờ mpồl lơh sa kă bro.

Do kung là dơ̆ nàng lơgar Việt Nam tơnguh broă cri bơyai bal, lơh pràn lơh broă bal mờ lơgar Thụy Sĩ mờ ală lơgar lơh broă bal, ală mpồl lơh broă bal dunia, lơh nền nòn rơlao tai bơta git gơ̆p tàm uă gah broă, tàm hơ̆ uă ngan bè lơh sa, kă bro, bơcri priă, pơn jăt tai lơh geh cồng nha gùng dà broă lơh bal mờ lơgar ndai bơh Pơrjum dờng Đảng gùt lơgar dơ̆ 13 neh ai. Thủ tướng Cíñ phủ Phạm Minh Chính geh ală dơ̆ cri bơyai, tìp bal, lơh broă bal mờ ală kwang đơng lam kấp dờng bơh lơgar Hungary mờ Romania.