Do là dơ̆ sơnrờp Thủ tướng Cíñ phủ lơgar Việt Nam geh dơ̆ lòt còp ngan ngồn lơgar Thổ Nhĩ Kỳ, mờ bơta kơ̆p kơnờm lơh kơ̆ kơl jăp bơta pin dờn cíñ trị mờ lơh geh bơta gơn kơnờm pa, gơcèng bơta bơtàu tơnguh pràn ai lơh broă bal bơh lơgar Việt Nam dê mờ lơgar Thổ Nhĩ Kỳ tàm jơh ală gah broă, bơh: lơh sa, kă bro, bơcri priă, tus ală gah broă lơh broă bal pa, bè tam gơl pa bơceh lơh, jak chài, măy mok, năng lượng...

Tàm rlau dùl ngai tàm lơgar Thổ Nhĩ Kỳ, cau lam bồ Cíñ phủ lơgar Việt Nam rơ̆p geh mờr 20 broă lơh sùm, bal mờ broă tìp kwang đơng lam bồ lơgar Thổ Nhĩ Kỳ là broă tìp măt, tus bal cribơyai mpồl lơh sa kă bro nàng kờñ sơlơ tơnguh tai lơh broă bal bơcri priă. Drim ngai 29/11 jăt jiơ tiah do dê, Thủ tướng Phạm Minh Chính wă rò Ƀộ trưởng Ƀộ Kă bro lơgar Thổ Nhĩ Kỳ. Dơ̆ bơyai lơh wă rò ngan ngồn Thủ tướng Phạm Minh Chính geh lơh tàm tŭ 10 jiơ drim dùl ngai bal. Ngai do 30/11, Thủ tướng Phạm Minh Chính geh tŭ jiơ wă rò mờ lơh broă mờ uă kwang đơng lam bồ tập đoàn dờng lơgar Thổ Nhĩ Kỳ dê.