Tìp cau pơgru, cau bơsram dờng Hìu bơsram Đại họk Ngoại thương, Thủ tướng Phạm Minh Chính ngoh rơngăc kah wơl bơhiàn đềt mềr, tam klăc bal, lơh broă bal, bơtàu tơnguh đah bàr Đảng, bàr Dà lơgar; Thủ tướng Cíñ phủ Phạm Minh Chính kơ̆p kờñ, mờ bơhiàn hùc dà kah tô dà, rơnàng kơnòm să đah bàr lơgar pal sùm kah mờ git ưn ngài uă ngan broă lơh dờng màng bơh ală rơcang kwang đơng lam bal mờ làng bol bàr lơgar dê.

Di tàm dơ̆ do, Thủ tướng Phạm Minh Chính tơlik nùs nhơm ưn ngài Cíñ phủ bal mờ làng bol lơgar Campuchia neh sùm pin dờn, rơwah lơgar Việt Nam là dùl tàm ală anih tus, lơh broă bal lài ngan tàm broă bơto, tơnguh uă bơta chài cau lơh broă lơgar Campuchia dê. Thủ tướng kơ̆p kờñ Hìu bơsram Đại họk Ngoại thương lơh ngan sùm, pơgồp bal tàm broă bơto cau lơh broă ai ală anih lơh broă dà lơgar bal mờ mpồl lơh sa kă bro in nàng drơng tàm ală broă lơh sa mờ lơgar ndai, ai geh bơta niam ngan bè broă bơsram sră, kơlôi sơnơng, bè hìu ơm hìu sa ai ală bơyô kơnòm bơsram, cau bơsram dờng lơgar Campuchia in.