Thủ tướng Cíñ phủ Phạm Minh Chính đơs nền, Đảng, Dà lơgar, Cíñ phủ, Quốk hội mờ làng bol lơgar Việt Nam sùm sền kwơ, prăp gàr mờ lơh ngan lơh nền nòn rơlao tai bơta git gơ̆p ờs mờng tam klăc mờ lơh broă bal tơl ală bơta đah lơgar Việt Nam mờ lơgar Cuba, đềt mềr bal, dong kờl bal broă lơh kăc màng di pal bơh làng bol lơgar Cuba dê.

Thủ tướng đơs nền tai nùs nhơm lài mờ tơnơ̆ kung bè hơ̆ sơl bơh lơgar Việt Nam dê ờ bài mờ ală broă kơrian wàng se is gơwèt mờ lơgar Cuba. Bàr kwang đơng lam ring bal tơnguh broă pơgồp bal nùs nhơm, cri bơyai broă, tìp bal tàm ală dơ̆ cri bơyai uă lơgar, là bơhiàn niam bơnĕ ngan đah bàr lơgar dê. Bàr gah ring bal pơgồp bal nền nòn rơlao tai nàng lơh pràn lơh broă bal lơh sa, bơcri priă, kă bro, tàm hơ̆ geh lơh broă bal lơh sa suơn sre, gàr tơl phan sa.