Jờng rơ, nting bơr gờm chờ bơta dờng pràn bơh mpồl bơtiàn cau Việt Nam dê tàm lơgar Thổ Nhĩ Kỳ, Thủ tướng Cíñ phủ pà git neh sồr đah lơgar Thổ Nhĩ Kỳ pơn jat tai lơh gơlik bơta ƀuơn rlau tai ai mpồl bơtiàn cau Việt Nam in pơn jat ơm kis, lơh broă tàm lơgar Thổ Nhĩ Kỳ, mut gơ rờm bal uă tàm lơgar he gam ơm kis, tă pơgồp jơh nùs tàm bơta bơtàu tơnguh bơh lơgar Thổ Nhĩ Kỳ dê kung bè bơta git gơp lơh bơyô bal đah 2 lơgar mờ sùm kah hờ ƀòn tờm, dà lơgar. Thủ tướng Cíñ phủ kơp kờñ làng bol iang nùs, pơn jat tai pin dờn tàm bơta đơng lam bồ bơh Đảng mờ dà lơgar dê; Đại sứ quán tàm lơgar Thổ Nhĩ Kỳ gàr sùm gơnoar broă lơh tờm bơ tòm tơrgùm, tam klac bal mpồl bơtiàn, bơt bơtàu mpồl bơtiàn ngai sơlơ kơ̆ kơljap mờ bơtàu tơnguh tai; gơ gơs là rbàng tơrbŏ kơ̆ kơljap ai bơta git gơp lơh bơyô bal đah 2 lơgar mờ làng bol 2 lơgar dê in; sền gàr bơta niam chài jơi bơtiàn mờ dà lơgar; bơto bơtê kòn sau in git bè tơngu rơyas he dê, gàr sùm dà đơs dà Yoan.