Tàm dơ̆ tìp mat mờ cau tĕ khà, ala mat Mpồl Kwang bàng Quôk hội ƀòn dờng Cần Thơ yal cồng nha pơrjum dơ̆ 6, Quôk hội khoă XV. Bal mờ hơ̆, cau tĕ khà ƀòn dờng Cần Thơ jờng rơ uă ngan ală cồng nha mờ Quôk hội neh lơh geh tàm pơrjum pa do, mơkung jờng rơ uă bơta đơng lam kràñ cê jơh nùs bơh Cíñ phủ, Thủ tướng Cíñ phủ dê tàm bơta đơng lam lơh sa dờng, gròi sền roh giă priă, sơlơ gơguh lơh sa.

Bơdìh mờ hơ̆, cau tĕ khà là làng bol jat Yàng Bàp kung dan mờ Cíñ phủ, ală Ƀộ, ngàñ Dà lơgar bơcri priă lơh phan bơna bơt bơtàu nàng oh kòn làng bol kòn cau jat Yàng Bàp in geh ală bơta bơtàu tơnguh lơh sa niam rlau tai, đơng lam kràñ cê jơh nùs broă tàm ntrờn rơndăp tăp sèng phan tam phan ròng nàng cau lơh broă sa in geh priă cồng tàm broă lơh sa suơn sre, geh broă dong kờl lơh anih ơn prap kòi ai cau lơh broă sa in tơnơ̆ tŭ tơnhào, tơrmù ƀà bơta bơcăp giă bơh cau kă bro dê, tus di tŭ kòi geh giă tŭ hơ̆ tăc ai mpồl lơh sa kă bro in.