Tơm bơh bơr mờ tam pà bal mờ ală rơnàng cau pơgru mờ cau bơsram dờng Hìu bơsram Đại họk Dà lơgar ƀòn dờng Hồ Chí Minh, Thủ tướng Phạm Minh Chính pơyoa tus mờ ală rơnàng kwang đơng lam bồ, mpồl kwang bàng, cau jak chài, cau pơgru, cau lơh broă bal mờ jơh gùt cau bơsram, cau bơsram dờng Hìu bơsram Đại họk Dà lơgar Hồ Chí Minh dê jơnau lùp còp jơh nùs ngan, ală nùs nhơm rềp mềr mờ jơnau gờm chờ niam bơnĕ ngan rlau jơh.

Thủ tướng dờp, jờng rơ uă ngan ală bơta pơnđơl pràn lơh ngan mờ cồng nha jơh nùs ngan mờ ală rơnàng kwang đơng lam bồ, mpồl kwang bàng, cau jak chài, cau pơgru, cau lơh broă, cau bơsram, mờ cau bơsram dờng Hìu bơsram Đại họk Dà lơgar Hồ Chí Minh dê neh lơh geh tàm 28 nam bơt bơtàu mờ bơtàu tơnguh. Thủ tướng sồr hìu bơsram lơh pràn sac rơwah cau bơsram mờ bơto bơtê, bơto pơlam cau bơsram jak, sơlơ kơlôi sơnơng khoa họk bơh sơn rờp; sền gròi gơ hòi gơ jà, sền dờng màng mờ bơtàu tơnguh mpồl ală cau jak chài kơnòm să jak ngan, ală cau jak chài bơsram lam lài; tam gơl sồ mờ bồ tơngoh jak kòn bơnus lơh gơs gơwèt mpồl lam lài câu Á; bơtàu tơnguh tiah tờm tam gơl pa bơceh lơh Dà lơgar dê.