Tàm pơrjum do, Mpồl bơyai lơh neh jờng rơ 273 krơh niam geh sac rơ wah tàm ală pơrjum jờng rơ cau dờng sơnam lơh sa jak tơngai bơh nam 2018 tus nam 2023 tàm 63 càr, ƀòn dờng tàm gùt lơgar. Do là ală krơh niam cau dờng sơnam geh pơn rơ lơh sa jak, ờ mìng lơh pas ai să tờm he in, ai hìu bơnhă in mờ gam ai geh broă lơh ai uă cau in, pơgồp bơnah bơtàu tơnguh lơh sa tàm ƀòn lơgar mờ lơh gơlik bơta gơ rề pràn kơldang, làm uă tàm gùt lơgar.

Đơs tàm dơ̆ bơyai lơh, Thủ tướng Phạm Minh Chính đơs nền, ală broă lơh ngan, bơta pơn đơl pràn mờ cồng nha bơh cau dờng sơnam tàm gùt lơgar dê neh pơgồp bơnah kuơmàng ai dà lơgar he sơrlèt gan git nđờ kal ke, bơta lòng, nàng dà lơgar he gơtùi geh tŭ niam, bơta pràn, gơnoar broă, bơngă pin dờn tàm dunia bè tŭ do.