Đơs tàm pơrjum, Thủ tướng Phạm Minh Chính cih dờp, đơs niam mờ jờng rơ bơta lơh ngan, bơta pơn đơl jơh pràn mờ cồng nha lơh geh bơh gah Ngân hàng dê tàm nam 2023, tă pơgồp kuơmàng ngan tàm cồng nha bal bơh dà lơgar dê. 

Bè ală kơnòl broă mùl màl Thủ tướng sồr Ngân hàng dà lơgar sền gròi đơng lam broă lơh priă jền ngac ngar, di tŭ, geh cồng nha, pơgồp bal jơh nùs, ring niam mờ broă lơh priă jền rề ơnàng dipal, geh tơngume tờm, geh bơta tờm mờ ală broă dong kờl dờng ndai. Jơnau kờñ geh ai tơlik là pal gròi sền lài tus sơlơ chồl pràn gơguh lơh sa gơ jat bal mờ gàr kơ̆ kơljap broă lơh sa dờng, gròi sền bơta roh giă priă, gàr ală jơnau tàm pơn ring dờng bơh rài lơh sa dê, gàr kơ̆ kơljap drà kă bro priă jền, priă lơgar ndai mờ lơngăp lơngai lơh broă bơh ală ngân hàng dê.