Tus bal pơrjum jăt broă lơh pơrjum tơn mờ pơrjum pờ tơlik tàm internet gam geh kwang đơng lam ală gah lơh broă, ală ƀộ, anih lơh broă Dà lơgar, kwang đơng lam 63 càr, ƀòn dờng, ală mpồl lơh sa kă bro, tập đoàn dờng, kwang đơng lam ală mpồl lơh broă gơwèt Ƀộ Ngoại giao, ală Đại sứ, Kwang atbồ Anih lơh broă ala măt lơgar Việt Nam hờ lơgar bơdìh.

Jăt Ƀộ trưởng Ƀộ Ngoại giao Bùi Thanh Sơn đơs, lơh jăt nền nòn gùng dà Pơrjum dờng dơ̆ XIII bơh Đảng dê neh ai bè “bơ̆t bơtàu broă cribơyai broă mờ lơgar ndai lơh sa drơng broă bơtàu tơnguh ai làng bol, ală càr, ƀòn dờng mờ mpồl lơh sa kă bro lơh tờm drơng lơh”, tềng đăp mờ broă đơng lam nền nòn bơh Ƀộ Cíñ trị, Ƀan Ƀí thư, tàm hơ̆ geh broă đơng lam tơn mờ đơng lam sùm là Thủ tướng Cíñ phủ mờ ală Phó Thủ tướng Cíñ phủ, broă cribơyai lơh sa mờ lơgar ndai neh geh ală broă lơh bơtàu tơnguh pa jăt gùng dà tơl ală bơta, mùl màl mờ geh cồng nha rơlao.