Nam 2023, Ƀộ Gia thông Vận tải neh tơrgùm sền wơl, lơh gơs, tơnguh uă bơta niam lơh kơrnoăt, broă lơh mờ neh geh uă cồng nha kwơ màng. Bơta tờm là lơh pràn tam pà gơnoar tàm ală gah broă atbồ dà lơgar gơwèt Ƀộ Gia thông Vận tải. Kwơ màng bè broă lơh pràn phan bơna, mờ broă mŭt lơh 26 Rơndăp broă lơh, tàm hơ̆ tơmù tơngai mŭt lơh 06 Rơndăp broă lơh kwơ màng dà lơgar dê mờ dơ̆ sơnrờp mŭt lơh ndrờm bal jăt broă lơh pờ tơlik tàm internet.

Neh lơh gơs, ai ngui 20 Rơndăp broă, tàm hơ̆ mìng gùng ù gờl ntoăt jờl mờ 09 Rơndăp broă lơh jòng 475 kơi sồ, tơnguh khà jòng gùng ù gờl ntoăt jờl geh ai ngui tàm gùt lơgar tus mờr 1 rơbô 900 kơi sồ. Tàm pơrjum, ală kwang bàng ala măt ală ƀộ, gah lơh broă dà lơgar, ală càr, ƀòn dờng, ală mpồl lơh sa kă bro, mpồl tam klăc neh geh jơnau cri bơyai nàng sền wơl ală cồng nha neh lơh geh, ală broă lơh gam ờ pràn bal mờ ală kal ke, gơkòl, tam pà bal ală broă mờng chài, broă lơh bơceh pa, geh cồng nha tàm broă lơh jăt kơnòl broă; ai geh jơnau dong kờl nàng gah gùng lòt pơn diang phan pơn jăt tai lơh gơs niam ală jơnau kờñ, kơnòl broă geh ai tàm nam 2024.