Jờng rơ Củ tịc Tập đoàn Adani lòt còp lơgar Việt Nam mờ nting bơr gờm chờ, chờ hờp bal mờ Adani pơn jăt tai bơtàu tơnguh, Thủ tướng Cíñ phủ Phạm Minh Chính tơlik nùs nhơm chờ hờp sền gŏ Gĭt gơ̆p Tam klăc lơh broă bal Jŏ jòng Tơl làm đah 2 lơgar Việt Nam mờ Ấn Độ gam bơtàu tơnguh uă ngan tàm ală gah broă, bulah bè hơ̆ gĭt gơ̆p lơh sa ờ hềt ndrờm pal mờ jơnau tơl pràn.

Thủ tướng Phạm Minh Chính chờ hờp geh gĭt Tập đoàn Adani neh pờ Cơldŭ lơh broă ala măt tàm lơgar Việt Nam mờ geh broă rơndăp lơh bơcri priă jŏ tơngai tàm lơgar Việt Nam. Thủ tướng đơs nền, Việt Nam rơ̆p dong kờl, ai tơl ală bơta ƀươn ai mpồl lơh sa kă bro in, tàm hơ̆ geh mpồl lơh sa kă bro lơgar Ấn Độ dê đơs bal, mờ Adani đơs is lam lơh ală broă lơh bơcri priă lơh sa kă bro geh cồng nha mờ kơ̆ kơl jăp jŏ jòng tàm Việt Nam, tă pơgồp uă ngan bơ̆t bơtàu bơta gĭt gơ̆p Tam klăc lơh broă bal Jŏ jòng Tơl làm đah 2 lơgar ngai sơlơ bơtàu tơnguh.