Thủ tướng đơs niam ală cồng nha lơh broă bal đah càr Aichi, Tochigi, Niigata, Kanagawa mờ Yamanashi  mờ ală Ƀộ, gah lơh broă, ală càr, ƀòn dờng lơh broă bal lơgar Việt Nam dê, kung bè nùs nhơm niam, broă sền gròi mờ kờñ bal bơh ală Kwang atbồ càr bal mờ gơnoar atbồ ală càr tàm broă lơh pràn bơta git gơ̆p lơh broă bal mờ lơgar Việt Nam tàm tơngai do; hòi jà kwang đơng lam ală càr lơgar Nhờk lơh pràn bơta git gơ̆p lơh broă bal mờ ală càr Thái Bình, Khánh Hoà, Hải Dương, Cần Thơ… tus bal mpồl kang bàng lơh broă bơh Cíñ phủ dơ̆ do.

Thủ tướng Cíñ phủ sồr ală Kwang atbồ càr tơnguh rơlao tai bơta git gơ̆p lơh broă bal mờ lơgar Việt Nam nàng lơh geh cồng nha bơta neh geh lài geh ring bal lơh pràn ală broă tìp bal, pơgơl mpồl ală kấp, lơh pràn bơcri priă, bơto cau lơh broă, bơto mờ bơsram bal mờ ală càr, ƀòn dờng lơgar Việt Nam dê.