Poan rơndăp broă lơh mờ kờp jơh priă lơh là rơlao 15 rơbô tơmàn đong, geh lơh sơn đờm ai ngui tàm ngai 24 nhai 12 tàm 4 tiah pờ tơlik: Ƀòn dờng Điện Biên, Tuyên Quang, Tiền Giang mờ Vĩnh Long. Do là ală broă lơh gùng lòt kwơ màng geh ai ngui tàm nam 2023 mờ lơh di jăt broă rơndăp lơh, tơngai geh ai.

Bơta kwơ màng 4 rơndăp broă lơh do lơh geh cồng nha neh lơh di jăt gùng dà broă lơh tam pà ai ală càr, ƀòn dờng in, hòi jà priă bơcri bơdìh mờ kes priă dà lơgar. Đơs tàm dơ̆ pơrjum, Thủ tướng Phạm Minh Chính đơs niam, dờp mờ pơn jờng broă lơh ngan, nùs nhơm geh kơnòl bơh Ƀộ Giao thông Vận tải, ală càr, ƀòn dờng geh jào lơh rơndăp broă, đơs nền, bơh cồng nha mờ bơta kwơ bơh ală broă lơh geh ai ngui do, sơlơ tơnguh tai ală broă mờng chài kwơ màng tàm broă lơh jăt ală jơnau kờñ bơtàu tơnguh lơh sa mpồl bơtiàn. Thủ tướng sồr, tơl nă cau tus bal rơndăp broă lơh pal tơnguh uă kơnòl mờ broă lơh, mờ gah lơh broă bal mờ tơnguh uă rơlao tai; tam gơl pa bồ tơngoh kơlôi sơnơng, broă lơh nàng lơh gơs niam kơnòl broă, pơgồp bal tàm broă lơh ală rơndăp broă di mờ tơngai neh geh ai.