Rơndap broă lơh bơcri priă lơh rbàng Rạch Miễu 2 ƀă gan dà dờng Tiền tơrbŏ càr Tiền Giang mờ Bến Tre. Broă lơh jòng 17,6 kơi sồ, geh priă tă lơh rlau 5 rbô 175 tơmàn đông geh tam pà gơs 6 bơnah broă crăp lơh. Tàm tiah lòt sền, Thủ tướng sồr Tiền Giang mờ Bến Tre hòi jà jơh gùt anih lơh broă cíñ trị nàng mhar lơh gơs broă ai ù, mhar gàr kơ̆ kơljap rài kis làng bol, gàr niam rài kis làng bol tàm ƀòn ơm kis pa pal niam rlau halà ndrờm mờ tiah ơm kis yau.

Ală cau lơh rơndap broă tơrgùm cau lơh broă, phan bơna, măi mok, ngui kông nghệ, kỹ thuật, tơnguh tŭ jơ lơh broă, tơnguh kíp lơh broă, lam lơh jak chài nàng tơrmù lơyah tơngai hơ pơrgon, pơn đơl pràn lơh gơs broă lơh rbàng Rạch Miễu 2 tàm nhai 10 nam 2025 nàng gờm chờ Pơrjum dờng Đảng ƀộ càr Bến Tre, gờñ rlau 6 nhai pơndrờm mờ tơngai hơ pơrgon gam ai tơlik là tàm nhai 4 nam 2026, gàr bơta niam, kỹ thuật, lơngăp lơngai lơh broă, gàr kloh niam tiah ơm kis, pleh tơnguh priă bơcri, rơcang sơndră sa kuề sa kuà, broă ờ niam, pơhì pơhà, mờ kung sền gròi tus rài kis kông ñân.