Tàm ală ngai do, tàm bàr pe tiah tàm tiah kơh bơnơm tiah đah Tô dà lơgar mờ tàm tiah Tây Nguyên neh gơlik geh mìu dờng, lơh tơrlah ù, dà kŏ dà cò uă tiah. Drim gờñ ngai 29/06, neh gơlik geh dơ̆ tơrlah ù tàm ƀòn dờng Dà Làc, càr Lâm Đồng lơh 2 nă cau gơ tìp gơ bồr, bàr pe nă cau sồt să, hìu đam bơh làng bol dê gơtìp tơrlah.

Nàng mhar bơsong jơnau gơ lời wơl bơh dơ̆ tơrlah ù do mờ rcang gàr niam lơngap lơngai ai làng bol mờ phan bơna bơt bơtàu tàm kàl mìu dờng dà kŏ dà cò, Thủ tướng Cíñ phủ sồr ală Ƀộ trưởng: Ƀộ Lơh sa suơn sre mờ Bơtàu tơnguh ƀòn lơgar, Tài nguyên mờ Môi trường, Xây dựng, Giáo dục mờ Đào tạo, Giao thông vận tải, Kông thương, Quôk phòng, Kwang àng, Củ tịc Ủy ƀan Ñân zân ală càr, ƀòn dờng gơwèt dà lơgar, Mpồl đơng lam dà lơgar bè rcang sơndră trồ tiah lơh aniai mờ Ủy ƀan dà lơgar rcang sơn dră bơta rềs àr, trồ tiah lơh aniai mờ dong kờl rềs àr tơrgùm đơng lam, rcang lài lam lơh broă lơh rcang sơndră, tơrmù ƀà bơta hoàc huơr tài bơh trồ tiah lơh aniai.