Thủ tướng tìp mat Kwang atbồ dờng Mpồl kă bro dunia Okonjo Iweala
Thứ sáu, 10:08, 19/01/2024
Cau mblàng: K'Duẩn/ VOV
Cau mblàng: K'Duẩn/ VOV
VOV4.K'Ho - Di dơ̆ tus bal Pơrjum ờs mờng pah nam dơ̆ 54 bơh Cribơyai Lơh sa dunia dê tàm Davos, lơgar Thụy Sĩ, Thủ tướng Phạm Minh Chính neh geh dơ̆ tìp mat mờ Kwang atbồ dờng Mpồl kă bro dunia (WTO) Okonjo Iweala.
Thủ tướng đơs nền tàm tŭ tơngai mut gơ rờm bal dunia đơs bal mờ mut gơ rờm bal lơh sa dunia đơs is, Việt Nam sùm jờng rơ bơta lơh bal, dong kờl bơh WTO dê. Kwang atbồ dờng WTO Okonjo Iweala đơs, Việt Nam là dùl jơnau yal geh cồng nha bè brồ guh bơtàu tơnguh lơh sa – mpồl bơtiàn; jờng rơ bơta lơh broă bal bơh WTO dê mờ Việt Nam.
Bè bơta sền gròi bơh Thủ tướng dê, Kwang atbồ dờng WTO yal, pa do neh geh dùl mpồl cau jak chài bơh Ủy ƀan câu Âu dê lơh broă mờ WTO, iat jơnau đơs bơh ală lơgar gam bơtàu tơnguh dê mờ WTO hòi jà dong kờl bơta chài măi mok pal geh. Kwang atbồ dờng WTO yal, lồi nhai tus do rơp geh Pơrjum kâp Ƀộ trưởng bơh WTO dê bè Hiệp địñ kloh niam phan sa mờ sền gròi kòp bơtờp phan ròng – SPS mờ kơp kờñ Việt Nam jơh nùs tus bal.
Viết bình luận