Drim ngai 10/11, tàm Đà Nẵng, Ƀan lơh kơnòl broă sùm Đảng ủy Quân khu 5 bơyai lơh Pơrjum yal, jàu kơrnuat bè broă lơh kwang bàng. Pơrjum neh yal mờ jàu kơrnuat bơh Thủ tướng Cíñ phủ dê bè broă tơn pồ wơl Thiếu tướng ồng Cao Phi Hùng lơh Phó Kwang đơng lam bồ Quân khu 5. Tàm pơrjum, ala mat Quân ủy dà lơgar, Trung tướng ồng Thái Đại Ngọc- Kwang geh jơng tàm Đảng dà lơgar, Kwang geh jơng tàm Quân ủy dà lơgar, Phó Ƀí thư Đảng ủy, Kwang đơng lam bồ Quân khu 5 neh jàu kơrnuat mờ nting bơr gờm chờ Thiếu tướng ồng Cao Phi Hùng.

Thiếu tướng ồng Cao Phi Hùng nam do 58 sơnam, ƀòn tờm tàm xã Hoài Thanh Tây, thị xã Hoài Nhơn, càr Bình Định. Nam 2018, ồng geh Thủ tướng Cíñ phủ tơn pồ lơh Phó Kwang đơng lam bồ Quân khu 5 tŭ gam at gơnoar broă Phó Kwang atbồ Mpồl dong broă Quân khu 5, mờ kung tơnguh griăt Thiếu tướng.