Tàm Anih tờm pơrjum dà lơgar, ƀòn dờng Hà Nội, Thủ tuớng ồng Phạm Minh Chính đơng lam pơrjum bal Cribơyai kwang bàng kâp dờng pah nam bè lơh sa mờ măi mok 4.0 nam 2023 gơ jat bal mờ lam lơh jat nghị quyết sồ 29 bè tam gơl lơh sa dà lơgar mờ măi mok pa mờ tơngume “sơlơ tơnguh rlau tai broă tam gơl sồ, tam gơl tơlir lơh gơlik bơta tam gơl pràn, tơrmù lơyah tŭ tơngai tam gơl lơh sa mờ măi mok pa tus nam 2030, broă wèt sền tus nam 2045”.

Đơs tàm pơrjum, Thủ tướng Cíñ phủ ồng Phạm Minh Chính đơs loh, broă gơ dờp mờ bơtàu tơnguh bơh tơl lơgar dê tàm tŭ tơngai sồ mờ lơh bal gùt plai ù tŭ do là bơta dờng, ờ mìng jal mhar mờ gam jŏ jòng tai. Gơ wèt mờ Việt Nam, git loh bè tŭ niam mờ jơnau sồr, Cíñ phủ neh rơcang lài gơ dờp, lơh bal nàng bơtàu tơnguh. Lài ngan, ngai sơlơ pơn đơl pràn nàng pơn jat tai bơt bơtàu dùl Cíñ phủ geh tơl pràn jak đơng pơlam bơtàu tơnguh tàm tŭ tơngai sồ. Bơdìh hơ̆ tai, ală kâp, ală gah broă lơh mờ jơh gùt mpồl bơtiàn neh geh ală tam gơl bơh jơnau git wă tus broă lơh nàng ngui tŭ niam mờ gơ dờp mờ ală bơta lòng bơh rài sồ dê.