Jăt jơnau yal, mờr 2 nam bơh tơngai lơh broă 2021 tus 2026, Hội đồng Lý luận Dà lơgar neh lơh gơs niam ală broă geh jào, tàm hơ̆ geh pơnrơ ngan là: Tus bal bơyai lơh jăt broă, di tŭ mùl màl lơh jơh ală Sră nggal, Nghị quyết Pơrjum dờng dơ̆ 13 bơh Đảng dê nàng pơgồp bal gờñ ai gùng dà, nghị quyết bơh Đảng mŭt tàm rài kis.

Đơs tàm dơ̆ đơng lam lơh broă, Thường trựk Ƀan Ƀí thư ồng Võ Văn Thưởng sồr, tơngai tus Hội đồng Lý luận Dà lơgar pal tơrgùm lơh jăt ờ uă broă tờm, tàm hơ̆ tơnguh uă bơta niam rơlao tai ală jơnau yal bơh Hội đồng dê mờ pal tơrgùm mờ ngui bơta ngăc ngar bơh ală cau khoa họk, tơngu me kơlôi sơnơng tàm gùt lơgar; sồr Cơl dŭ lơh broă Đảng Dà lơgar bal mờ ală ƀộ, gah lơh broă dà lơgar gơrềng bal pơgồp bal, nàng Hội đồng Lý luận Dà lơgar lơh gơs niam gơnoar, kơnòl geh jào.