Đơs tàm dơ̆ tìp măt, Duh broă sùm Ƀan Ƀí thư Đảng Dà lơgar mò Trương Thị Mai đơs nền: Bơh 50 nam crơng gơs bơta git gơ̆p cri bơyai broă lơh bal mờ lơgar ndai, bơta git gơ̆p đah lơgar Việt Nam mờ lơgar Nhờk ngai sơlơ niam bơnĕ, bơtàu tơnguh jrô ơnàng tàm uă gah broă bơh lơh sa, kă bro, bơto cau lơh broă…

Tàm hơ̆ kwơ màng ngan là broă lơh bal bè bơto cau lơh broă, bơto bơtơl kwang bàng đơng lam, atbồ ală kấp tàm tơngai do là bơta niam tàm bơta git gơ̆p lơh broă bal, lơh bơyô bal đah bàr lơgar dê. Bơh nam 2013 tus nam 2016, lơgar Nhờk neh dong kờl bơto 6 ơdŭ mờ 500 nă cau bơsram. Bơh nam 2018 tus 2023, Cíñ phủ lơgar Nhờk ai 500 khà priă bơsram bơtơl ờ jŏ tơngai mờ di mơ tơngai, 300 khà priă bơsram thạc sĩ, 25 khà priă bơsram tiến sĩ ai lơgar Việt Nam in.