Lơ ut rlau 600 pang, pang sră là bơta tơrgùm mờ rơ wah uă jơnau cih, jơnau nrĭ, uă sră pơyua ai tơnggŏ nùs nhơm ki ngàm gơ wèt mờ Tổng Ƀí thư ồng Nguyễn Phú Trọng bơh gal ngan ală rơnàng làng bol mờ gơp bơyô dunia dê tàm ală pang ƀău điện tử, mạng xã hội. Pang sră geh 3 bơnah: Bơnah dơ̆ 1 – Kơ̆ dơn bơta pin dờn tàm bơta đơng lam bồ, sồr lơh bơh Tổng Ƀí thư dê; Bơnah dơ̆ 2 – Nùs nhơm bơh làng bol tàm lơgar dê lời ai Tổng Ƀí thư in mờ Bơnah dơ̆ 3 – Bơta tò dong bơh bơyô dunia dê.

Tàm pang sră, bơdìh mờ ală jơnau cih bè nùs nhơm, bồ tơngoh bơh cau lam dê là ală jơnau cih tam pà bè nùs nhơm song dơpă, pơn dềt să bơh Tổng Ƀí thư dê gơ wèt mờ làng bol, cau lơh broă bal, gơp bơyô mờ jơh bal tŭ pal lơh glài kwang bàng lơh tìs. Tàm git nđờ rhiang jơnau cih, jơnau nrĭ bè hơ̆, ală cau geh bồ tơngoh bơsram sră, cau kơlôi sơnơng, cau cih sră, cau lơh broă niam chài, kwang bàng, đảng viên, cau lơh broă neh ai tơnggŏ bơta ki ngàm mờ bơta jơh nùs ngan rlau jơh lời ai kwang đơng lam bồ dờng ngan rlau jơh bơh Đảng he dê in.