Pang yal tơngit jơnau geh 7 jơnau tờm mờ 4 jơnau ndai, drờm mờ ală phan bè măy tíñ, máy tíñ at tê, điện thoại at tê. Pang yal tơngĭt jơnau yal ală sră nggal đơng lam, sồr lơh broă lơh bơh Ƀan Cấp hàñ Dà lơgar mpồl tus mờ ală càr, ƀòn dờng mpồl mờ ală cau tàm mpồl cau ling yau dê. Pơgồp bal mblàng yal cồng nha, bơta mờng chài lơh broă bơh srơh tàm pơrlòng kờñ gơboh dà lơgar bơh Mpồl cau ling yau lơgar Việt Nam dê; sền gŏ, jờng rơ, lơh gơ rề uă, jrô ơnàng làm uă krơh niam, cau niam, broă niam, ală broă lơh pơn rơ jak, bơta pa tàm Mpồl cau ling yau Việt Nam dê.

Đơs tàm dơ̆ tơlik mat, Thượng tướng ồng Bế Xuân Trường, Củ tịc Mpồl cau ling yau Việt Nam sồr, Ƀăo Cau ling yau Việt Nam pal tơrgùm mblàng yal tus kwang bàng, cau tàm mpồl mờ làng bol in ală broă bè jơnau gơlik geh pah ngai, srơh tàm pơrlòng “Cau ling yau lơh krơh niam”, dong bal mờ gơ̆p tơn jơh jơgloh tơrmù rƀah, yal di tŭ, ngan ngồn ală jơnau kơ̆p kờñ, jơnau đơs, mblàng yal jơnau geh ngan tus jơh gùt kwang bàng, cau tàm mpồl in.