Tơn jơh 10 nam lơh jat Nghị quyết sồ 29 bè tam gơl pa jơh, tơl làm bơto bơtê mờ bơsram
Thứ sáu, 09:06, 15/12/2023
Cau mblàng: K'Duẩn/ VOV
Cau mblàng: K'Duẩn/ VOV
VOV4.K'Ho - Drim ngai 14/12, Ƀộ Giáo zụk mờ Đào tạo bơyai lơh Pơrjum tơn jơh 10 nam lơh jat Nghị quyết sồ 29 nam 2013 bơh Ƀan Cấp hàñ Đảng dà lơgar khoă XI dê bè “Tam gơl pa jơh, tơl làm bơto bơtê mờ bơsram, lơh jat jơnau kờñ tam gơl pa lơh sa mờ măi mok tàm bơta lơh sa drà kă bro jat pơlam gùng xã hội củ nghiã mờ mut gơ rờm bal dunia”.
Đơs pơn dut pơrjum, Ƀộ trưởng Ƀộ Giáo zụk mờ Đào tạo Nguyễn Kim Sơn đơs nền, ală cồng nha neh lơh geh tơnơ̆ 10 nam lơh jat Nghị quyết sồ 29 ai gŏ bơta lơh ngan dờng ngan bơh ală Mpồl, Ƀộ, gah broă lơh dà lơgar mờ ală càr, ƀòn dờng dê. Pơrjum tơn jơh geh lơh tàm tŭ tơngai geh uă tơngume kung gam geh lam lơh, uă tơngume ờ hềt geh lơh gơs. Bè hơ̆ den tàng, Ƀộ Giáo zụk mờ Đào tạo sồr Ƀộ Cíñ trị ai lơh jat Jơnau pơn dut bơh Ƀộ Cíñ trị dê bè broă pơn jat tai lơh jat Nghị quyết sồ 29 nàng pơn jat tai tam gơl pa pa jơh, tơl làm mờ tơngume cồng nha bơto bơsram lơh jat jơnau sồr, kơnòl broă tàm tŭ tơngai pa bơh dà lơgar dê.
Viết bình luận