Đơs tàm dơ̆ jào khà jờng, Củ tịc Quốk hội ồng Vương Đình Huệ đơs tờm, dùl tàm ală bơta pơlam dờng màng, pơgồp bal tàm broă tơnguh bơngă, bơta pràn, bơnă pin dờn bơh Quốk hội mờ Hội đồng Ñân zân tàm uă nam do là broă pơgồp bal tơl ală bơta, geh lơh sùm, bơceh pa bơh broă lơh sră ƀăo dà lơgar dê.

Sră ƀăo dà lơgar ngai sơlơ tơlik gŏ di pal là cau yal mblàng mpồl, cau lam sồr mpồl, cau bơyai lơh mpồl, mờ là dùl anih lùp wơl geh uă bơta ngăc ngar mờ geh kơnòl mờ dà lơgar. Do là dơ̆ sơnrờp khà jờng geh bơyai lơh, neh geh 171 anih lơh broă sră ƀăo tàm lơgar mờ lơgar bơdìh, 7 Cơl dŭ lơh broă Mpồl kwang bàng Quốk hội mờ Hội đồng Ñân zân mờ 3 rơbô 328 jơnau cih tus bal. Ală jơnau cih tus bal pơrlòng geh lơh nền nòn, uă bơta bè tơngu me, pràn kơl dang bè jơnau cih, geh uă bơta bè broă lơh, bè bơta niam bal mờ lơh pa bè đah lơh broă sră ƀăo dê.