Drim òr (17/10), Ủy ƀan Thường vụ Quốk hội pơgồp jơnau đơs tàm jơnau yal rơcang Pơrjum dơ̆ 6, Quốk hội khoă 15. Tổng thư ký Quốk hội, Kwang atbồ Cơl dŭ lơh broă Quốk hội ồng Bùi Văn Cường pà git, kờp dŭ tơngai lơh broă bơh Quốk hội là 22 ngai; sơn đờm pơrjum tàm ngai 23 nhai 10 mờ kờp tŭ tơn jơh tàm drim ngai 29 nhai 11.

Kwang bàng Quốk hội geh tơrgùm tàm Hìu Quốk hội mờ bơyai lơh jăt 02 dơ̆. Tơn jơh Pơrjum dơ̆ 27, Củ tịc Quốk hội ồng Vương Đình Huệ đơs tờm, tus tŭ do ală broă rơcang ai Pơrjum dơ̆ 6 neh lơh gơs, rơcang ai Pơrjum dơ̆ 6 in. Củ tịc Quốk hội hòi jà ală anih lơh broă geh gơnoar mhar lơh gơs sră nggal ală tơngu me Pơrjum nàng pơyoa tus kwang bàng Quốk hội in. Mờ kung rơcang tơl, nền nòn ală bơta niam, tàm hơ̆ sền kwơ broă yal tơngit, mblàng yal, ală bơta bè phan bơna, bơta lơngăp lơngai nàng drơng niam ai dơ̆ Pơrjum mờr tus in.