Goàng bơkàu Mpồl dê cih sèng khar “Củ tịc Hồ Chí Minh, kwang đơng lam bồ bơh làng bol lơgar Việt Nam dê rài rài kis sùm”.

Lài hơ̆, tàm ngai sơnrờp bơh dơ̆ lòt còp dê, Tổng Ƀí thư, Củ tịc lơgar Lo Tập Cận Bình neh geh dơ̆ pơrjum kwang bàng kâp dờng cồng nha ngan mờ Tổng Ƀí thư Nguyễn Phú Trọng nàng yal gùng dà broă lơh tơnguh uă rlau tai gĭt gơ̆p Tam klăc Lơh broă bal Jŏ jòng tơl làm đah Việt Nam mờ Lo. Tổng Ƀí thư Nguyễn Phú Trọng mờ Tổng Ƀí thư, Củ tịc lơgar Lo Tập Cận Bình kung geh dơ̆ tơm bơh bơr jơh nùs jơh tồr ngan tềng kơƀàng hùc dà ce, lơh jrô ơnàng rlau tai gĭt gơ̆p să tờm rềp mềl đah 2 nă kwang đơng lam bồ. Bàr nă kwang đơng lam bồ neh sền mờ iăt yal tơngĭt bè 36 sră nggal jơnau ring bal lơh broă bal tàm uă gah broă geh kĭ hơ đah ală ƀan, ƀộ, gah lơh broă dà lơgar mờ ală tiah bơh 2 lơgar dê.