Đơs bè ală kơnòl broă, broă lơh tus nam 2025, Tổng Ƀí thư, Củ tịc lơgar ồng Tô Lâm sồr Quân ủy dà lơgar, Ƀộ Ling klàng tơrgùm lơh jat niam gơnoar broă pơlam broă lơh kwơ màng mờ Đảng, Dà lơgar bè ling klàng, sền gàr dà lơgar; rcang lài ngăc ngar jak chài tơnguh uă bơta pràn jak kơlôi sơnơng, kờp dŭ lài, geh gùng dà broă lơh bơsong ngăc ngar, geh cồng nha ală jơnau gơlik geh, ờ gŏ di lời gơtìp rơmơ̆p ndơl nisơna.

Pơgồp bal lam lơh geh cồng nha Jơnau neh lơh nền tàm pơrjum dà lơgar dơ̆ 8 khoă XIII dê bè broă lơh kwơ màng sền gàr Dà lơgar tàm bơta pa; ală broă lơh kwơ màng, jơnau neh lơh nền, rơndăp broă lơh, ală adat boh lam bè ling klàng, sền gàr dà lơgar. Rcang lài kơlôi sơnơng, dan ai lơh jat ală gùng dà broă lơh, broă dong kờl, adat boh lam bè ling klàng, gah sền gàr dà lơgar, lơh geh kơnòl broă sền gàr dà lơgar tàm jơh gùt lơgar jơh bal tềng đăp măt mờ jŏ jòng. Tổng Ƀí thư, Củ tịc lơgar ồng Tô Lâm đơs loh nùs nhơm jơh gùt làng bol pal pơn jat tai kơlôi sơnơng lơh jat jrô rlau tai broă lơh jat gùng dà broă lơh gah sền gàr Dà lơgar jơh gùt làng bol, làng bol tus bal tam lơh, sền gàr dà lơgar tàm bơta pa, mờ nùs nhơm kơnờm tàm làng bol “làng bol là nggu” là tờm, là cau tờm; tơnguh uă bơta gơtùi lơh, geh cồng nha atbồ dà lơgar bè gah sền gàr dà lơgar tàm jơh ală kấp dê.