Bè kơnòl broă tàm tơngai tus, Duh broă sùm Mpồl đơng lam sồr ală kâp ủy, mpồl lơh broă Đảng, anih lơh broă geh gơnoar pơn jat tai sơlơ tơnguh tai broă lơh rơcang sơndră sa kuề sa kuà, bơta ờ niam, tơrgùm bơsong jơh ală broă gam ờ hềt lơh sir, ală broă gam ờ pràn, ală broă lơh tìs, broă gơlik geh bè sa kuề sa kuà, bơta ờ niam dờng ngan, kal ke, geh mpồl bơtiàn sền gròi. Ngan là tơrgùm sền sơ wì, jat sền, lùp sền, lùp khàu, lơh glài ală broă lơh tìs gơ rềng tus ală broă lơh tìs, broă gơlik geh tàm Kông ty Việt Á, Kông ty AIC, Tập đoàn FLC, Tân Hoàng Minh, Vạn Thịnh Phát. Lơh ngan bơh tŭ do tus jơh nam 2023 tơn jơh broă lùp khàu, bơsong 10 broă gơlik geh; ai tơlik jơnau lah yă 5 broă lơh tìs; cah rơña dơ̆ sơn rờp 7 broă lơh tìs, cah rơñah dơ̆ bàr 3 broă lơh tìs.